A PROXECCIÓN SONORA /

A PROXECCIÓN SONORA é un proxecto financiado pola Fundación Emalcsa, ao abeiro da VI Convocatoria ‘Cultura accesible e Inclusiva’, dirixida a apoiar a entidades que favorezan o acceso igualitario e inclusivo á cultura. Nesta ocasión desenvolveremos o traballo en colaboración con dúas entidades sen ánimo de lucro da Coruña que traballan con persoas con discapacidade auditiva: ACOPROS ASOCIACIÓN DE COLABORACIÓN E PROMOCIÓN DAS PERSOAS XORDAS Entidade que se encarga de representar e defender os intereses globaIs das persoas con discapacidade auditiva e das súas familias, sensibilizando á sociedade en relación coa sordeira e promovendo o diagnóstico precoz e a atención temperá FAXPG FEDERACIÓN DE ASOCIACIÓNS DE PERSOAS XORDAS DE GALICIA Entidade que traballa polo desenvolvemento integral das persoas xordas de Galicia e as súas familias, en condicións de accesibilidade universal, preservando a Lingua de Signos Española (LSE) como valor principal.

O presente proxecto pedagóxico impartido polo equipo docente de PULSO ENSEMBLE ten como obxectivo achegar a música contemporánea ao público en xeral e a persoas con discapacidade auditiva en particular. A través dunha serie de talleres dirixidos polos membros de Pulso Ensemble baixo a produción do Festival RESIS, os participantes irán introducíndose, de maneira activa, nas diferentes prácticas sonoras contemporáneas. A través de devanditos obradoiros, estableceranse puntos de encontro, diálogo e creación artística entre mozas con discapacidade auditiva e mozos músicos galegos e galegas.

PULSO ENSEMBLE nace no ano 2019 como continuación do proxecto Container Galicia. Centrado na música experimental de nova creación, Pulso aposta por un discurso articulado ao redor da contemporaneidade e á relación entre o individuo e a revolución dixital.
Os integrantes de Pulso participaron nos principais festivais europeos dedicados á música de nova creación, traballando con algúns dos compositores máis importantes da escena internacional como Michael Beil, Simon Steen Andersen, Alexander Schubert, Stefan Prins, José Manuel López López, César Camareiro, Fritz Hauser, François Sarhan ou Marko Ciciliani.