A_NEXOS=ELAS /

A_NEXOS é un ciclo de diálogos musicais arredor das confluencias entre a música e as artes contemporáneas dirixido e coordinado polo compositor Hugo Gómez-Chao e a Asociación Cultural AÏS.

Nesta ocasión, as obras de Eugenia Osterberger (Catro cantigas, século XIX), María de Pablos (Sonata romántica, século XX) e Consuelo Díaz (Tres estancias para una reina, século XXI) serán interpretadas polo Grupo Instrumental Siglo XX, con Florian Vlashi e Dominica Malec nos violíns, Raymond Arteaga coa viola e Ruslana Prokopenko co violonchelo.

Estas obras musicais dialogarán xunto coa narrativa de Chus Álvarez, que será a presentadora do evento, e a creación visual de Miryam Pato.

Cuestión de xénero e historia
A cuestión de xénero está moi presente tamén na música. As obras escritas por mulleres compositoras non teñen obtido a visibilidade que lles correspondería nas programacións musicais. Por iso, a proposta deste diálogo é darlles protagonismo ás obras de tres mulleres de tres séculos diferentes. Un diálogo interxeracional coa intención de rescatar o espazo musical que as mulleres artistas teñen ocupado ao longo do tempo.