Resis Festival

Julia Ares

LENZOS E PARTITURAS [IX]


 

Sábado, 11 de decembro 2021

Estudio Julia Ares
Rúa Curros Enríquez 5
15002, A Coruña
Transmitido a través do
canle de Youtube de AÏS,
Facebook, InstagramTwitter

 

 

Continuamos a nosa viaxe cultural entre LENZOS E PARTITURAS, na que iremos transitando por diferentes estudios e galerías de arte, para descubrir a diversos artistas plásticos de Coruña. A música será a mellor compañeira nesta andaina cultural, envolvendo os lenzos, fotografías, esculturas… co vibrante papel das partituras. Música e arte, arte e música.

A miña cita de hoxe é con Julia Ares, a artista do lume: esmalte sobre metal, vidro fusionado, vidro termoformado… É moi recoñecible a súa obra aquí en A Coruña, dado que o paseo marítimo da cidade atesora 1300 esmaltes, realizados por ela, integrados nas caracteristicas farolas vermellas que iluminan as nosas noites.

A artista, que realiza obra de gran formato, pero tamén obra pequena e personalizada, danza no lume creador entre esculturas, xoias e técnicas como o vitrificatum, que consiste en incorporar, nas súas pezas de vidro, as cinzas daqueles seres queridos, vivos na memoria. Porque Julia converte en arte a natureza.

E se o elemento transformador de Julia é o lume, as labaradas sonoras da guitarra de Rafa Fernández, músico noiés afincado en Santiago de Compostela, encherán de calor este asombroso espazo de creación, un mundo máxico e sorprendente a partes iguais.

Grazas, Rafa, pola faíscas dos teus dedos contra as cordas. Grazas, Julia, por abrirnos a porta do teu fogar e permitirnos descubrirte a través dos teus vidros.

PODES VER LENZOS E PARTITURAS (IX) NO NOSO CANLE DE YOUTUBE.

 

IDEA ORIXINAL

HUGO GÓMEZ-CHAO PORTA
EQUIPO ARTÍSTICO

ARTISTA DO LUME /
JULIA ARES
INTÉRPRETE /
RAFAEL FERNÁNDEZ RODRÍGUEZ
GUIÓN E LOCUCIÓN /
CHUS ÁLVAREZ
VÍDEO E EDICIÓN /
IVÁN YUPARI
GRAVACIÓN /
MANUEL EIRÍS
SON /
ÓSCAR DOMÍNGUEZ
FOTOGRAFÍA /
XURXO GÓMEZ-CHAO