A Xove Orquestra Nacional de España (JONDE), pertencente ao Instituto Nacional das Artes Escénicas e da Música (INAEM, Ministerio de Cultura), foi creada en 1983 co propósito de formar ao máis alto nivel a músicos españois na etapa previa ao exercicio da súa profesión. O seu obxectivo prioritario é o perfeccionamento profesional e artístico dos seus músicos a través do estudo e a práctica do repertorio universal sinfónico e de cámara, por medio da celebración de varios Encontros anuais. Estes Encontros son tutelados por profesores e dirixidos por directores de recoñecido prestixio nacional e internacional, e culminan coa celebración de xiras de concertos, a participación en proxectos diversos e a gravación dun xa extenso catálogo de CD’s e DVD’s.

Ao longo dos seus máis de 40 anos de vida, a JONDE contou con directores convidados como Carlo Maria Giulini, Krzysztof Penderecki, Rafael Frühbeck de Burgos, Jesús López-Cobos, Juanjo Mena, Josep Pons, Cristóbal Halffter Vasily Petrenko, Christopher Hogwood, Gianandrea Noseda, Fabio Biondi, Yakov Kreizberg, Paul Goodwin, Gunther Schuller, Antoni Ros Marbà, Víctor Pablo Pérez, Pablo González, Arturo Tamayo, Alberto Zedda, Günter Pichler, Lutz Köhler, Peter Rundel, Bruno Aprea ou Edmon Colomer, entre outros, e colaborado con solistas como Mstislav Rostropóvich, Elisabeth Leonskaja, Christian Zacharias, Teresa Berganza, Juan Diego Flórez, Manuel Blanco, María Bayo, Pablo Sainz Villegas, Rafael Orozco, Asier Polo ou Deszö Ranki, entre moitos outros.

A Xove Orquestra Nacional de España presentouse en numerosos auditorios e festivais españois, como os Festivais Internacionais de Santander e Selecta, o Festival de Música Relixiosa en Cuenca, o Palau da Música de Valencia, nas tempadas da Orquestra Nacional de España (ONE), a Orquestra Sinfónica de Barcelona e Nacional de Catalunya (OBC), a Orquestra Filarmónica de Gran Canaria (OFGC) e no ciclo “Orquestras do Mundo” de Ibermúsica, entre outras. É destacable a súa colaboración co Centro Nacional de Difusión Musical (CNDM), co Festival Internacional de Música de Alacante e a tempada do Auditorio de Zaragoza. A proxección no estranxeiro da JONDE abarcou en todos estes anos viras por Bélxica, Francia, Alemaña, Italia, Reino Unido, Austria, Portugal, Luxemburgo, Holanda, Rusia, Ucraína, Estonia, Romanía, Hungría, Estados Unidos, Venezuela e República Dominicana, actuando en salas de concertos como o Carnegie Hall (Nova York), o Royal Albert Hall (Londres), o Concertgebouw de Ámsterdam, Théatre deas Champs Elysées (París), a Filarmónica e o Konzerthaus am Gendarmenmarkt de Berlín, a Filarmónica de San Petersburgo, o Radio Kulturhaus de Viena, o Kongress Palais – Stadthalle Kassel e o Ateneo Romanés de Bucarest.

Así mesmo, a JONDE foi convidada a festivais internacionais como o BBC Proms (Londres), Schleswig-Holstein Musik Festival (Salzau, Alemaña), Festival Young Euro Classic (Berlín), Robecco Zomerconcerten (Ámsterdam), World Expo Hannover (Alemaña), Expo Lisboa ’98 (Portugal), Festival Kultursommer Nordhessen (Kassel, Alemaña), Varā Magica Festival (Bucarest), Festival Enescu Şi Muzica Lumii (Sinaia, Romanía), Aberdeen International Youth Festival (Reino Unido), Chester Summer Music Festival (Reino Unido), Festival España-Venezuela (Caracas), Festspiele Mecklenburg-Vorpommern (Alemaña), Musikfestspiele Saar (Alemaña), Opernfestspiele Schloss Weikersheim (Alemaña) ou o Touquet International Music Masters (Francia).

Ao longo da súa traxectoria, a Xove Orquestra Nacional de España desenvolveu numerosos proxectos complementarios á súa actividade principal, como as Academias de Música Barroca ou Música Contemporánea, a figura de Compositor en Residencia, o encargo de obras a novos compositores a través da Fundación SGAE e a Asociación Española de Orquestras Sinfónicas (AEOS), e a participación en programas de intercambio de músicos, especialmente a través da European Federation of National Youth Orchestras (EFNYO) e o Programa Iberorquestas Xuvenís.

Entre os seus colaboradores e patrocinadores contou co apoio das Fundacións BBVA, Caixa Madrid, Fundación Hazen e Fundación Coca-Cola. Actualmente a JONDE mantén unha colaboración coa Fundació de Música Ferrer- Salat, para difundir anualmente o Premio Reina Sofía de Composición Musical e desenvolver un importante programa de bolsas para os mozos músicos da JONDE.

Os seus Directores Artísticos foron Edmon Colomer (1983-1995), Llorenç Caballero (1995-2001) e José Luis Turina (2001-2020). Desde 2020 a Directora Artística da JONDE é a violinista e pedagoga española Ana Comesaña.