NOTAS DE CONCERTO
CHOSHI (Repertorio Honkyoku) – “Preparación”
Choshi sirve para preparar a frauta, pero tamén o corpo e a mente do intérprete. Os vellos mestres dicían que é máis a frauta que nos toca a nos que nos a ela… Normalmente é tocada antes de outras pezas e profundiza os lazos entre o bambú e o executante, contribuíndo para as mellores condicións técnicas i espirituais.
TABIBITO NO UTA (Fukuda Rando) – “Canción do viaxante”
Fukuda Rando (1905-1976) foi un importante compositor e mestre de shakuhachi. A súa música revela un espíritu sensible tanto á antiga tradición xaponesa como a algunha música europea da súa época. Compuxo bastantes obras para shakuhachi a solo ou con outros instrumentos.
MATSUKAZE (Repertorio Honkyoku) – “O viento nos pinares”
Matsukaze pertence ao repertorio da escola Nezasaha. O repertorio desta escola caracterízase por un intenso e rítmico vibrato (chamado komibuki) que recorda a intensidade da respiración dos samurais ou o vento cando pasa polas árbores. Foi composta por un membro da familia Tsugaru, do norte de Xapón.
TAMUKE (Repertorio Honkyoku) – “Mans postas en oración”
Tamuke é unha oración fúnebre. O título quere dicir literalmente “mans postas en oración” e tócase para lograr un estado de comuñón coa alma de entes queridos que partiron.. É unha das obras máis famosas do repertorio de shakuhachi, sendo tocada moi frecuentemente colectivamente en ocasións solemnes.
SASHI (Repertorio Honkyoku) – “A morte do Buda”
Sashi é unha peza con forte carácter relixioso, orixinario do monasterio de Itchoken. Está relacionada coa morte do Buda e a redención de todos os seres vivos. A lenda conta que a súa partitura foi atopada aos pes dunha estatua do Buda.
AJIKAN (Repertorio Honkyoku) – “Observar o son”
É das obras máis tocadas nos templos, a pesar da súa gran dificultade técnica. O concepto de “observar o son” está relacionado coa noción de “mirar co corazón”. O principio de todas as cousas está no corazón e a mente, que encontran as súas manifestacións no mundo físico.
YOU YOU (Satoko Maeda) – “De lonxe”
You You é unha obra composta no ano 2018 poa compositora Satoko Maeda. Foi un encargo do festival mundial de shakuhachi, realizado en Londres nese ano. A obra utiliza os recursos máis individuais do instrumento, invocando valores ancestrais como forma de ultrapasar a dor e traxedia do mundo contemporáneo.
KYOREI (Repertorio Honkyoku) – “A campá valeira”
Kyorei é considerada por moitos como a máis antiga peza do shakuhachi. Representa o son da campá tocada por Fuke, un monxe zen que percorría os camiños da China do século IX. A lenda conta que un discípulo seu compuxo Kyorei como homenaxe póstumo ao seu mestre.