CORRESPONDENCIAS SONORAS /

Correspondencias Sonoras é un documental de Manuel del Río que plasma a labor da ensemble galega de música contemporánea Vertixe Sonora.

Director, produtor e escritor, Manuel del Rio é unha figura absolutamente inclasificable do novo cinema galego. Despois de realizar diversas curtametraxes nas que se dan a man o cinema experimental e a música de vangarda, presenta Correspondencias Sonoras, unha longametraxe documental que segue o día a día do Vertixe Sonora Ensemble.

Filmado no Centro Galego de Arte Contemporánea inclúe entrevistas, concertos, conferencias, exposicións… Compositores coma Ramón Souto ou David Hernández Ramos reflexionan sobre vangarda, a relación co público e a escoita nunha proposta imprescindible para coñecer a música do noso tempo.