Elisa Vázquez Doval conta cunha amplia traxectoria como solista e músico de cámara. Ao longo da súa carreira foi invitada a tocar en prestixiosos auditorios, coma o Concertgebouw en Amsterdam e o Muziekcentrum Vredenburg en Utrecht, e ten dado concertos en varios países de Europa. O seu especial interés pola música contemporánea levouna a investigar e interpretar o repertorio para piano das últimas décadas. En España estreou obras de Elliott Carter, John Cage, Joji Yuasa, Rebecca Saunders, Younghi Pagh-Paan, Alberto Hortigüela e Chou Wen-chung.

As súas actividades máis recentes inclúen concertos na Fundación Juan March, o Festival Internacional de Primavera da Universidade de Salamanca, as Xornadas de Música Contemporánea de Santiago de Compostela, a Fundación Caixa Galicia e o Festival Espazos Sonoros, así como recitais en varios auditorios de España. Ten participado en clases maxistrais con Nicolas Hodges, Yukiko Sugawara, Hakon Autsbo, Greoffrey Madge, Edgar Nebolsin, Nino Kereselidze, Bruno Rigutto, Alexander Kandelaki, Evgeny Moguilewski , Kyoto Hashimoto e Alberto Rosado. Eecibiu apoios e becas de entidades coma: o Ministerio de Asuntos Exteriores, a Fundación Caixa Galicia, a Deputación de A Coruña, a Comunidade de Madrid, a Ecole de Musique de Niza e a fundación holandesa para as artes Hein Fonds.